هه ورامی
په ی په ی به رئاما هه ناسه ی کالم
خه یال جه لای تون جه سه م بی روحه ن
قرچه ی ده رونم ئاره زووی توشه ن
......................
هوشو هه واسم جه ده س به رشیه ن
خه رمانو خه مان جه لام جه م بیه ن
دلم خه م باره ن اسرینم نیه ن
دلو دیده وگیان په تو ته نگ بیه ن
...........................
ئازیز په یامت وینه ی چنووره ن
شه وبون بوژانه ن هه لاله ی سوره ن
تویچ وینه ی شه وبوجه لام وه ش بونی
هه ر گولیو وینو مه زانو تونی
.........................
تو ریحانی باخ شه وقی دله نی
توئازیزی دل تاقه گوله نی
ئه ر په پوله ی دل تاسه ی گول که رو
مشو روزگارش چه نی سه ربه رو
......................
پاسه نه زانی بی مه یلیم که رده ن
به گیانت ئازیز تاسو توم که رده ن
نیام ده سه لات چاره م ناچارا
ئینای جه یادم هه ر پیسو جارا
......................
نا له م چوون ناله ی ده رده دارانن
ره نگ زه ردی ئه من دووری یارانن
..................
وه فا نه مه نده ن لای دوستو یاران
یویو کوتینمی نه گوشه ی شاران
دل بی تاقه تن تاسه ی توش کریان
ده نگی تاسه ی دوس جه عالم زریان
..................
ئاسمانی دلم ئه م شه و غه م باره ن
هه ناسه ی دلم هه وری وه هاره ن
وه هارم پاییز روخسارم زه رده ن
درونم یادی ئازیزان که رده ن
..................
ویم که رده ن مه جنون قه یسی زه مانه
سه نعانی عاشق پیری دیوانه
خانه قاو ته کیه م ویل که رده ن په ی یار
نشینگام بیه ن گولی زریبار
هیچ زوقم نیه ن ته پله که م زریان
تالی به د به ختی هه ر په من چریان
هه رمن هیلانه ی ده ردو خه مانم
دوور کوته ی جه لای دوستو یارانم
[ بازدید : 1623 ] [ امتیاز : 3 ] [ امتیاز شما : ]